SHAHAR YO‘LOVCHILAR TRANSPORTIDA BEPUL YURISH HUQUQINI BERUVCHI YAGONA GUVOHNOMALARNI BERISH

«Shahar yo‘lovchilar transportidan bepul foydalanishni tartibga solish to‘g‘risida»gi O‘zbekiston Respublikasi Qonuniga muvofiq, quyidagi shaxslar shahar yo‘lovchilar transportidan (taksidan tashqari) bepul foydalanish huquqiga ega:

- 1941–1945 yillardagi urush qatnashchilari jumlasidan bo‘lmish harbiy xizmatchilar;

- 1941–1945 yillardagi urush nogironlari va urushning I guruh nogironiga hamrohlik qiluvchi shaxs;

- 1941–1945 yillardagi urush davrida front ortida fidokorona mehnati va benuqson harbiy xizmati uchun orden va medallar bilan taqdirlangan shaxslar;

- Afg‘oniston Respublikasida va boshqa mamlakatlarning hududidagi jangovar harakatlarda qatnashgan sobiq baynalminalchi jangchilar jumlasidan bo‘lmish fuqarolar;

- haqiqiy muddatli harbiy xizmatni o‘tayotgan harbiy xizmatchilar va kontrakt bo‘yicha oddiy askarlar hamda serjantlar tarkibidagi harbiy xizmatchilar;

- Chyernobil AES halokati oqibatida nurlanish kasalligiga chalingan va uni boshdan kechirgan shaxslar;

- ko‘zi ojiz nogironlar (faqat I gurux) va ko‘zi ojiz nogironga hamrohlik qiluvchi shaxs.

Ushbu shahar yo‘lovchilar transportidan bepul foydalanishni amalga oshirish uchun Andijon viloyati Transport boshqarmasi tomonidan yagona namunadagi guvohnomalar taqdim etiladi.

Fuqarolarga viloyat transport boshqarmasiga fuqarolik pasporti hamda mazkur toifaga kirishini tasdiqlovchi hujjat bilan kelishliklari so‘raladi.

Ish vaqti: shanba va yakshanba kunidan tashqari: 09:00 dan 18:00 gacha (13:00 dan 14:00 ga qadar tushlik vaqti)

Andijon viloyati transport boshqarmasi MATBUOT XIZMATI