Andijon – Samarqand – Andijon yo‘nalishida muntazam yo‘lovchi aviaqatnovlari yo‘lga qo‘yildi

   Xabaringiz bor joriy yilning 20 - sentyabr sanasida Andijon viloyatiga Andijon xalqaro aeroportida Transport vaziri Ilhom Rustamovich Andijonlik turizm sohasi vakillari bilan turizm sohasini yana-da rivojlantirish uchun transport bilan bog‘liq bo‘lgan muammolarni tinglab, Andijon – Samarqand – Andijon yo‘nalishida muntazam aviaqatnovlar tashkil etilishini maʼlum qilgan edi.

   Endilikda Andijon – Samarqand – Andijon yo‘nalishida muntazam aviaqatnovlar haftaning dushanba va seshanba kunlari amalga oshiriladi.

   Dushanba kuni Andijondan 11-20 da uchgan havo kemasi 12-30 da Samarqandda bo‘ladi hamda shu kuni Samarqanddan 13-20 uchgan havo kemasi 14-25 da Andijonda bo‘ladi.

   Seshanba kuni Andijondan 11-20 da uchgan havo kemasi 12-30 da Samarqandda bo‘ladi hamda shu kuni Samarqanddan 13-20 uchgan havo kemasi 14-25 da Andijonda bo‘ladi.

   Maʼlumot uchun birinchi sinov parvozlari ertadan 27 – sentyabridan amalga oshirilib, chipta narxi yuksiz 210 ming so‘m, yuk bilan 250 ming so‘mni tashkil etadi.

Qo’shicha ma’lumotlar uchun tel: +998742283118

Andijon viloyati transport boshqarmasi
AXBOROT XIZMATI